Divine Mercy Prayer in Mizo Language (Indian)

Pathian Zahngaihna Dilna Tawngtaina

(Rosari kraws chelhin, Kraws chhinchhiatna siam a, Kan Pa Vana mi, Chibai Mari leh Apostol Thurin,'Pa Pathian thilengkimtithei', tih sawi phawtla) 

Thifang lianah "Kan Pa Vana mi" ai in heti hian tawngtai  la:

1) Chatuan Pa, I Fapa duh tak, Isua Krista, kan Lalpa Taksa leh Thisen, Thlarau leh Pathianna chu kan sual leh khawvel pumpui sual thupha chawi nan ka hlan a che.

Tin thifang te sawmah "Chibai Mari" ai in heti hian tawngtai  la:

2) A tuarna lungngaih thlak tak azarah; kan chungah leh khawvel pumpui chungah zahngai ang che.

Tin, Tawngtaina a tawp atan hei hi vawi 3 (thum) chham tur ani:

3) Pathian Thianghlim, Pathian Thianghlim Engkimtithei, Pathian Thianghlim chatuana nung reng;kan chungah leh khawvel pumpui chungah zahngai ang che.

 Aw Isu, ka ring a che .

Mi Thianghlim Faustina; Min tawngtai sak ang che.

 Novena

Isua chuan Pathian zahngaihna Kut (First Sunday after Easter) hmain, Novena nei turin a duh a, chu chu Good Friday atangin tan turn a ni. Novena chhung nitina thil tum bikte chu  tawngtaina (Chaplet) nena hmang thin  turin a hrilh a ni.

Ni 1-Na: Vawiinah hian, mi zawng zawng te, misual zawng zawngte han hlan la, ka zahngaihna tuipuiah chuan, thlarau bote avanga ka lungngaihna hi min hnem dawn a ni.

Ni 2-Na: Vawiinah chuan, Puithiam leh sakhaw mite thlarau han hlan ang che. Anni hian, ka tuarnaah chakna min pe a, anmahni azarah ka zahngaihna chu mihringte hnenah a luangchhuak a ni.

Ni 3-Na: Vawiinah chuan, ringtute thlarau zawng zawng han hlan ang che. Kraws kawngah khan min lainattu an ni si a. In huatna tuipuia, inlainatna tui farkhat ang hi an ni.

Ni 4-Na: Vawiinah chuan, ringlo mite leh min la hre ngai lote han hlan ang che. Ka tuar lai khan anmahni ka ngaihtuah reng a, nakina an awm dan tur ka ngaihtuahna chuan min hnema ni.

Ni 5-Na: Vawiinah chuan, Kohhran hranga awmte han hlan ang che. Ka tuar lai khan, ka  taksa, Kohhran chu inzawmna an rawn siam leh chuan, ka hliam an tidam leh dawn a ni.

Ni 6-Na: Vawiinah chuan,  inngaitlawm leh thuhnuairawlh te, naupang thlaraute han hlan ang che. Ka lungngaihnaah khan min tichaktu an ni si a. Inngaitlawmte chauhin ka zahngaihna an dawng thei a ni.

Ni 7-Na: Vawiinah chuan, ka zahngaihna chawimawitute han hlan ang che. Ka thinlung hlim thla nung an ni si a. Pakhat mah hremhmun meiah an kal lo ang.

Ni 8-Na: Vawiinah chuan, Purgatory-a thlaraute han hlan ang che. Ka hmangaih em em a ni. Ka Kohhran Indulgence hmanga, an tuarna tihnep chu, i tihtheih a ni.

Ni 9-Na: Vawiinah chuan, mi inlahrangte, thlaraute, ka hnenah han hlan ang che. An thlarau chhandamna kawng hnuhnung ber chu ka zahngaihna a tlanluh hi a ni.

Source:http://1divinemercy.blogspot.in/search?updated-max=2011-10-30T11:36:00-07:00&max-results=12